Niy ma piykniyjszyj chwili, jak koniec roku szkolnygo. Prymusy dostowali glyjt z czerwonym poskiym. Jo tyż dostowołech posek czerwony. Roz pamiyntom, że nawet dwa poski. Szkoda ino, że niy na glyjcie ino na dupie.

Łojciec sie pyto:
- Kaj mosz glyjt?
Pokozołech mu, boch liczył, co mi sie upiecze. Ale łojciec łobejrzoł te pały i dostołech szmary. Posek czerwony na dupie już boł namalowany. Jak z płaczym pedziołech, że to boł jego glyjt, domalowoł mi drugi posek. Wszystko cza szczimać - przeca już wakacje.

Mało kiery mioł koło. Tadek i Mary¶ mieli jakie¶ ruskie klamory. Jo mioł jasnozielony "Pionier". To boło takie ¶rednie koło, ani wielkie ani małe. Na tych kołach, jeĽdzili my na Tama w Czerwionce. To boła łokropnie wielko woda. Cza było tam mieć karta na ryby. My niy mieli. Prezes koła pan Ryba, bo tak sie nazywoł, znoł dobrze mojego łojca. Razym tyż na ryby jeĽdzili naszom Syrynkom. Przeważnie do Strumiynio na Wisła.

Jak my przijechali na tych kołach na Tama, to żodyn nos niy gonił, że my tam ryby chytomy. Zresztom, co my tyż tam mieli chytać. Pora flosow, jaki¶ rusek abo wajcha. Niy mieli my bymbynkow i prawdziwych bambusow. Jak my ta wyndka wciepli, kożdy rynkom machnoł i nic nom nie pedzioł.

Janek Wyrobek mioł onkla w Rajchu. Roz do niego pszijechoł ałtym. To boł poczontek wakacji. Co to boło za ałto. Dugi i niski, dwuosobowy Jaguar. Pamiyntom go do dzisioj. Kolor ciymno bronzowy. ¦wiycił sie, jak psu jajca. Łoglondali my go ze wszystkich stron. Dych nom zaparło, jak tyn onkiel ruszył wyciyraczkami na szybie. Nogle jak buchła woda na ta szyba, to my niy wiedzieli jako sie nazywomy z tego wrażynio.

Cołki dziyń my kombinowali, skond ta woda sie tam znojdła. Ziga pedzioł, że chyba w dachu mo zbiornik na ta woda i mo jaki¶ kokotek do łotwiyranio. Uznali my, że woda za gibko gichała i z dachu to boło niymożliwe. Tadek pedzioł, że chyba jako¶ szpryca mo w kabinie. Połonczoł to rureczkami i jak cza, to wyciskoł z tyj szprycy ta woda. Uznali my, co to może być prowda i wiyncyj o tym my niy godali.

Tyn onkiel prziwioz Jankowi dwie wyndki. Co to boły za wyndki! Kożdo miała czi czyń¶ci. Do rurek sie wkłodało dwie. Trzecio czyń¶ć to boł uchwyt zakryncany. W tym uchwycie boło miejsce na bymbynek. Bymbynek trza boło wsadzić do prowadnic i klamerkom zamknońć. Kijek niy boł z bambusa. Boł z włókna szklanego. Na bymbynkach nawiniynty boł już ynges. Kijki te łoglondali chyba wszystkie wendkorze w Czerwionce.

Ale zanim je ujrzeli, my poszli na Tama. Janek wrynczył mi jedyn a łon wzion drugi.
- Terozki im pokożymy jak sie kapry ciongnie - pedzioł Janek.
Wszystkie synki ruszyli z nami.
Jak my na Tamie kapry chytali - w nastympnym łodcinku.

Słownik:
glyjt z czewonym poskiym - ¶wiadectwo szkolne z czerwonym paskiem
pały - dwóje (oceny)
cza szczimać - trzeba wytrzymać
koło - rower
flos, rus, wajcha - wzdręga, kiełb, płoć
onkiel z Rajchu - wujek z RFN (Republika Federalna Niemiec)
dych - oddech
kokotek - kurek
gibko gichała - szybko leciała (wylewała się)

Old_rysiu