Coraz więcej użytkowników na naszym portalu. Chciałem tym tekstem wrócić do artykułów, które kiedyś pokazywały się w necie. Zachęcam pozostałych autorów do odgrzebywania najciekawszych tekstów, które są rozrzucone na różnych stronach Internetu i trudno je dzisiaj odszukać.

Pozwoliłem sobie na ponowną publikację jedego z nich. Wiem, że trudny do odczytania. Zapewniam jednak, że warto się pomęczyć. Przed czytaniem polecam odwiedzić toaletę. Słyszałem już o przypadkach gwałtownych zmoczeń, za które to niby ja byłem odpowiedzialny. Dla tych, którzy znają ten tekst, nie zaszkodzi przypomnienie.

* * * * *

Musza dopełnić tymatyki wyndkarskiyj i pedzieć Wom, że jak sie na ryby jedzie, to niy ino na rybach som przygody. Po naszym mieście Czerwionka łaził Francik. Godali, że był gupi. Na takiego tyż wyglądoł. Chocioż był wiela starszy, łaził z gwizdkiym syndziowskim - takim z fuzbala - i co chwila gwizdoł na kogoś na drodze. Łon zaś taki gupi niy był. A jakie frupki nom robił na ryby - ze lizoka, ze skrzydeł pultoków... Terozki takich niy ma.

Jeździł łon tyż na torg do Rybnika cugiym - tam komyndyrowoł, wołoł ludzisków:

- Ej, ludzie! Sam baba sprzedowo jajca, aż czerwone w środku...
- Łobejrzyjcie jakie sam szmaty wiszom - z Hameryki...
- Futer do kurzików, bez piochu, ino som erzac.
- Nojmodniejsze czopki w Yuropie, Degolowki - sam najtonij...

Za to, że łon tak komyndyrowoł, przekupki zawsze mu złotka wciepli do kapsy.

Francika wszyscy znali. Łon ani biletu na cug niy musioł kupować. Sztrofy i tak mu niy doł żodyn. Jadymy roz z Antkiym z ryb cugiym z Rybnika. Spoglondomy, a tu wsiado Francik.

- Synki zaroz Wom coś pokoża! - pedzioł - Jeżdżom sam takie baby wredne i zarozki bydom wsiadać, musza im zrobić wele rzici.

My niy bardzo wiedzieli ło co mu sie rozchodzi, ale patrzymy na niego. Francik siado na zicu, wyciongo z taszy wymia łod kozy, łotwiyro bontek i wsadzo je rajn. Wyciongo jedyn cycek na wiyrch, a reszta przikrywo bontkiym. Jakech to widzioł to myślołech, że sie pojszcza ze śmiychu.

- Synki, stońcie wele mie, coby mie widać niy było. Jak Wom koża sie cofnonć, to sie przesuńcie kaj Wom pokoża. Dostaniecie łodymie fajne frupki za to.

Coch spojrzoł na Francka bontek, to mie śmiych puczył, ale za frupki musza wytrzimać. Antek tyż niy wytrzimywoł ze śmiychu. Wreszcie włażom jakiejsik babska z torgu, bo tyż tasze miały napchane. Ludzisków jest już sporo to sie wele nos te baby stanyły.

Cug wreszcie ruszył, a Francik udowo, że śpi i pokazuje nom rynkom, coby łodstapić na lewo strona i zrobić uciecha babom. Robiymy co koże. Baby zagodane na Francka niy patrzom. No to łon niby sie przeciongo i nogom jedna baba szturcho niychconco. Wreszcie babska ujrzały tyn cycek. Całe czerwone lekko szturchajom Francka coby sie łobudził. Zarozki pokazujom mu na jego bontek.

Francik łoczy łotwar i pado:

- No, ty mi już takij gańby robił niy bydziesz!

Wyciongnoł kozik z kapsy i pajd tego cycka. Jak go ucion zaroz wyciepoł bez łokno. Jak to baby ujrzały, zaroz pomdlały. Dobrze, że cug już na nasza bana wjechoł. Wyskoczyli my razym z Francikiym i w nogi. Co sie dzioło dalyj, niy wiymy. Baby na banie niy wylazły.

Łod tyj akcji Francika, było głośno na całyj Czerwionce. Som Francik łaził z głowom do gory. Baby mu już spokój dowały.

Łod tego czasu już żodyn niy godoł na niego "gupi". No bo jak? Czy gupi może coś takigo wymyśleć?

Old_Rysiu